წყლის რესურსების დაცვის საერთაშორისო დღის აღნიშვნის ფარგლებში, შპს „საქართველოს მელიორაციის“ ქვემო ქართლის რეგიონული სამსახურის წარმომადგენლები და დაბა სიონის საჯარო სკოლის მოსწავლეები სიონის წყალსაცავზე იმყოფებოდნენ. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, აღნიშნული წყალსაცავი  ზემო და ქვემო სამგორის სარწყავი სისტემების წყალმომარაგებას უზრუნველყოფს.

„რეგიონული სამსახურის წარმომადგენლებმა მოსწავლეებს წყალსაცავზე არსებული ჰიდროტექნიკური ნაგებობა დაათვალიერებინეს, გააცნეს  წყალსაცავის ისტორია და მუშაობის სპეციფიკა. სკოლის მოსწავლეებმა ინფორმაცია მიიღეს თანამედროვე მორწყვის მეთოდებზე, რაც წყლის რესურსის რაციონალურ ხარჯვას უწყობს ხელს და განსაკუთრებით მნიშვნელოვანია წყლის რესურსის დასაცავად.

1993 წლიდან, გაეროს გენერალური ასამბლეის გადაწყვეტილებით, წყლის საერთაშორისო დღე მსოფლიო მასშტაბით აღინიშნება. წყლის დაცვის საერთაშორისო დღის აღნიშვნა მიზნად ისახავს წყლის რესურსების მართვისა და რაციონალური მოხმარების საკითხებზე საზოგადოების ყურადღების გამახვილებას და გარემოსდაცვითი ცნობიერების ამაღლებას“, - აღნიშნულია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე