2024-02-24 11:07:53, 751 ნახვა
მსოფლიო
ურსულა ფონ დერ ლეიენი კიევში ჩავიდა
ევროკომისიის პრეზიდენტი ურსულა ფონ დერ ლეიენი, უკრაინაში ომის დაწყების 2 წლისთავზე კიევში ჩავიდა. აღნიშნულის შესახებ ინფორმაციას ურსულა ფონ დერ ლეიენი X-ზე (ყოფილ Twitter-ზე) ავრცელებს.
მისი თქმით, ევროკომისია მტკიცედ დგას უკრაინის გვერდით.
"კიევში უკრაინასთან რუსეთის ომის მეორე წლისთავთან დაკავშირებით ვიმყოფები. უკრაინელი ხალხის წინააღმდეგობის აღსანიშნავად. ჩვენ ისე მტკიცედ, როგორც არასდროს, ვდგავართ უკრაინის გვერდით. ფინანსურად, ეკონომიკურად, სამხედრო თვალსაზრისით, მორალურად, ვიდრე ქვეყანა საბოლოოდ არ გათავისუფლდება", - წერს ევროკომისიის პრეზიდენტი.
ავტორი: ექსპრესნიუსი,
epn.ge (@expressnews.ge)
