2024-02-08 15:31:56, 839 ნახვა
მსოფლიო
ტუსკი „რესპუბლიკელებს“ - რეიგანი დღეს საფლავში ტრიალებს - სირცხვილი თქვენ
რონალდ რეიგანი დღეს საფლავში ტრიალებს - სირცხვილი თქვენ,- ასე ეხმაურება პოლონეთის პრემიერ-მინისტრი დონალდ ტუსკი ამერიკის შეერთებული შტატების სენატის მიერ უკრაინის მხარდამჭერი პაკეტის ჩაგდებას.
ტუსკი განცხადებას X-ზე [ყოფილ Twitter-ზე] აქვეყნებს.
"ამერიკის ძვირფასო რესპუბლიკელო სენატორებო, რონალდ რეიგანი, რომელიც მილიონობით ჩვენგანს დაეხმარა, რომ ჩვენი დამოუკიდებლობა დაგვებრუნებინა, დღეს საფლავში ტრიალებს. სირცხვილი თქვენ",- წერს დონალდ ტუსკი სოციალურ ქსელში.
ცნობისთვის, ამერიკის შეერთებული შტატების სენატში ჩავარდა კანონპროექტი, რომელიც უკრაინისა და ისრაელის დასახმარებლად, ასევე აშშ-ის სამხრეთ საზღვრის გასაძლიერებლად 118.3 მილიარდი დოლარის გამოყოფას გულისხმობდა.
ავტორი: ექსპრესნიუსი,
epn.ge (@expressnews.ge)
