2024-02-07 22:23:41, 921 ნახვა
მსოფლიო
მედია - ენტონი ბლინკენმა ისრაელის მთავრობასთან ღაზაში ომის დასრულების საკითხი განიხილა
აშშ-ის სახელმწიფო მდივანმა, ენტონი ბლინკენმა ისრაელის მთავრობის წარმომადგენლებთან ღაზაში ომის დასრულების საკითხი განიხილა. ამის შესახებ ინფორმაციას ისრაელური მედია Times of Israel ავრცელებს.
როგორც მედია წერს, ისრაელის პრემიერ-მინისტრთან, ბენიამინ ნეთანიაჰუსთან შეხვედრის დროს, აშშ-ის სახელმწიფო მდივანმა მხარი დაუჭირა ისრაელის უფლებას, დაიცვას თავი ტერორისტული საფრთხისგან, ასევე, მხარი დაუჭირა სამომავლოდ პალესტინის სახელმწიფოს შექმნას.
როგორც ბლინკენი აღნიშნავს, ისრაელის მოქალაქეებისა და პალესტინელებისთვის ხანგრძლივი მშვიდობისა და უსაფრთხოების უზრუნველსაყოფად პალესტინის სახელმწიფოს შექმნა საუკეთესო გზაა.
ავტორი: ექსპრესნიუსი,
epn.ge (@expressnews.ge)
