2024-01-24 16:35:55, 2345 ნახვა
ომი უკრაინაში
შმიგალი - სლოვაკეთი EU-ის მიერ უკრაინისთვის 50 მილიარდი ევროს გამოყოფას მხარს დაუჭერს
სლოვაკეთი მხარს დაუჭერს ევროკომისიის წინადადებას უკრაინისთვის 50 მილიარდი ევროს ოდენობით დახმარების გადაცემაზე 2024-2027 წლების განმავლობაში,- ამის შესახებ უკრაინის პრემიერ-მინისტრმა, დენის შმიგალმა განაცხადა.
როგორც შმიგალმა სლოვაკეთის პრემიერ-მინისტრთან, რობერტ ფიცოსთან შეხვედრის შემდეგ აღნიშნა, სლოვაკეთთან „რიგ საკითხებზე შეთანხმება მიღწეულია".
„სლოვაკეთის მთავრობა არ დაბლოკავს უკრაინის შეიარაღებისა და აღჭურვილობის შეძენას ბიზნესისგან. უკრაინა და სლოვაკეთი გააგრძელებენ ნაყოფიერ თანამშრომლობას ჩვენი ქვეყნების უსაფრთხოებისა და კეთილდღეობისთვის",- აცხადებს შმიგალი
ავტორი: ექსპრესნიუსი,
epn.ge (@expressnews.ge)
