მინისტრთა კაბინეტის სადავეები საფრანგეთის ახალმა პრემიერმა აიღო. პარიზში გამართული ცერემონიის დროს გაბრიელ ატალმა შეცვალა ელიზაბეტ ბორნი. გაბრიელ ატტალი, 34 წლის, ყველაზე ახალგაზრდა პრემიერ-მინისტრია ქვეყნის ისტორიაში და პირველი ღიად გეი მამაკაცი. მან პირობა დადო, რომ უპირატესობას ახალგაზრდობას მიანიჭებდა.

"ამაზე საუბრობდნენ ბოლო საათებში, მე წავიკითხე და მოვისმინე: რესპუბლიკის ყველაზე ახალგაზრდა პრეზიდენტი ისტორიაში ნიშნავს ყველაზე ახალგაზრდა პრემიერ მინისტრს ისტორიაში. მე მინდა ვნახო ამაში მხოლოდ სიმამაცისა და მოძრაობის სიმბოლო. ეს არის ასევე ახალგაზრდებისადმი ნდობის სიმბოლო, თაობა, რომელიც იმსახურებს ბრძოლას შეუსვენებლად." -აღნიშნა ატალმა.

ანალიტიკოსები პრეზიდენტ მაკრონის მიერ მთავრობის მეთაურის შეცვლას განიხილავენ, როგორც მცდელობას, დაუპირისპირდეს ულტრამემარჯვენეებს საფრანგეთში, რომელიც პოპულარობას იძენს ივნისის ევროპარლამენტის არჩევნების წინ. ემანუელ მაკრონი იმედოვნებს, რომ ახალგაზრდა პრემიერ-მინისტრი დაეხმარება მას შემდგომი პოლიტიკური რეფორმების გატარებაში მისი პრეზიდენტობის დარჩენილი პერიოდის განმავლობაში.
ატალი, მაკრონის ერთ-ერთი უახლოესი მოკავშირეა და მრავალი ექსპერტის აზრით, მას პრეზიდენტობის პოტენციურ მემკვიდრედ მიიჩნევენ.

ატალი სამოქალაქო ქორწინებაში ცხოვრობს სტეფან სეჟურნესთან, ევროპარლამენტის წევრთან მაკრონისტური პარტიიდან "რესპუბლიკა მარშით!" (ახლა - "რენესანსი"). 

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი