2024-01-09 14:56:20, 869 ნახვა
მსოფლიო
ენტონი ბლინკენი ისააკ ჰერცოგს შეხვდა
ამერიკის შეერთებული შტატების სახელმწიფო მდივანი ენტონი ბლინკენი თელ-ავივში ისრაელის პრეზიდენტს, ისააკ ჰერცოგს შეხვდა. აღნიშნულის შესახებ ინფორმაციას The Times Of Israel-ი ავრცელებს.
ბლინკენის თქმით, ვაშინგტონი არ იშურებს ძალისხმევას, რომ „ჰამასის“ ტყვეობაში მყოფი მძევლები გაათავისუფლოს.
ამასთან, როგორც ისააკ ჰერცოგმა აღნიშნა, ისრაელი ღაზაში მშვიდობიანი მოსახლეობის მხრიდან მსხვერპლის თავიდან ასაცილებლად ყველაფერს აკეთებს.
მისივე თქმით, ისრაელი მონაწილეობას მიიღებს მოსმენებში, რომელიც 11 იანვარს მართლმსაჯულების საერთაშორისო სასამართლოში იწყება.
შეგახსენებთ, რომ ამერიკის შეერთებული შტატების სახელმწიფო მდივანი ენტონი ბლინკენი ისრაელში დღეს, 9 იანვარს ჩავიდა.
ავტორი: ექსპრესნიუსი,
epn.ge (@expressnews.ge)
