ვინც რუსეთს უკრაინის წინააღმდეგ კრიმინალურ აგრესიაში დაეხმარება, გაეროს წესდებისა და საერთაშორისო სამართლის დარღვევით, შედეგები მოჰყვება, - ამის შესახებ ევროკავშირის სპიკერმა, პიტერ სტანომ განაცხადა.

როგორც სტანო აღნიშნავს, ჩრდილოეთ კორეიდან რუსეთისთვის იარაღის პოტენციური მიწოდება არის თემა, რომელსაც ევროკავშირი სერიოზულად აკვირდება და პარტნიორებთან ერთად განიხილავს.

"ევროკავშირი თანმიმდევრულად, ძალიან მკაფიოდ აცხადებს: ვინც რუსეთს უკრაინის წინააღმდეგ კრიმინალურ აგრესიაში დაეხმარება, გაეროს წესდებისა და საერთაშორისო სამართლის დარღვევით, შედეგები მოჰყვება. ვგმობთ რუსეთისთვის იარაღის ნებისმიერ უცხოურ მიწოდებას, იარაღს, რომელსაც უკრაინელების მოსაკლავად და სამოქალაქო ინფრასტრუქტურაზე თავდასხმისთვის გამოიყენებენ. 

ჩრდილოეთ კორეიდან რუსეთისთვის იარაღის პოტენციური მიწოდება შეიძლება გაეროს უშიშროების საბჭოს რეზოლუციებისა და გაეროს სანქციების დარღვევა იყოს. ეს არის ის, რასაც ჩვენ ძალიან სერიოზულად ვუყურებთ ევროკავშირში, განვიხილავთ მას ჩვენს საერთაშორისო პარტნიორებთან. ჩვენ მკაცრად ვგმობთ ამას და მოვუწოდებთ ყველა [ქვეყანას], მხარი არ დაუჭირონ რუსეთს უკრაინის წინააღმდეგ აგრესიაში", - განაცხადა სტანომ.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი