2023-11-17 19:52:44, 2012 ნახვა
ომი უკრაინაში
ნიდერლანდები უკრაინის სამხედრო დახმარებისთვის 2 მილიარდ ევროს გამოყოფს
მომავალ წელს უკრაინას დამატებით 2 მილიარდი ევროს ღირებულების სამხედრო დახმარებას გავუწევთ, - ამის შესახებ ნიდერლანდების თავდაცვის მინისტრი კაისა ოლონგრენი სოციალურ ქსელ X-ში (ყოფილი Twitter) წერს.
ოლონგრენის თქმით, ნიდერლანდების მხარდაჭერა უკრაინის მიმართ რუსეთის წინააღმდეგ ომში ურყევი და კრიტიკულად მნიშვნელოვანია.
“ნიდერლანდები 2024 წელს უკრაინის სამხედრო მხარდაჭერისთვის 2 მილიარდ ევროს გამოყოფს. ამ მნიშვნელოვანი დახმარების პაკეტით ჩვენ ვაგზავნით მკაფიო სიგნალს, რომ მზად ვართ გავაგრძელოთ უკრაინის მხარდაჭერა ახლაც და მომავალშიც”, - წერს ნიდერლანდების თავდაცვის მინისტრი.
ავტორი: ექსპრესნიუსი,
epn.ge (@expressnews.ge)
