2023-10-19 13:11:33, 841 ნახვა
მსოფლიო
ისრაელის იერიშს „ჰამასის“ პოლიტიკური ბიუროს პირველი ქალი წევრი ემსხვერპლა
ღაზას სექტორში ისრაელის საჰაერო თავდასხმას "ჰამასის" თანადამფუძნებლის, აზიზ ალ-რანტისის ქვრივი და "ჰამასის" პოლიტიკური ბიუროს პირველი ქალი წევრი ჯამილა ალ-შანტი ემსხვერპლა. ამის შესახებ ინფორმაციას The Times of Israel "ჰამასთან" დაკავშირებულ მედიაზე დაყრდნობით ავრცელებს.
როგორც მედია წერს, არ გავრცელებულა ცნობა, კონკრეტულად რა ადგილზე მოხდა თავდასხმა, თუმცა ცნობილია, რომ იერიში გამთენიისას განხორციელდა.
ალ-შანტი "ჰამასის" პოლიტიკურ ბიუროში, გადაწყვეტილების მიმღებ უმაღლეს ორგანოში 2021 წელს აირჩიეს.
ავტორი: ექსპრესნიუსი,
epn.ge (@expressnews.ge)
