ისრაელში საფრანგეთის საგარეო საქმეთა მინისტრი კატრინ კოლონა ჩავიდა. ამის შესახებ ინფორმაციას The Time of Israel ავრცელებს.

გამოცემის ცნობით, კოლონა ქვეყნის სამხრეთით მდებარე ქალაქ აშკელონში ისრაელელ კოლეგასთან, ელი კოენთან ერთად იმყოფებოდა.

„აქ ჩამოსვლა, რა თქმა უნდა, არის საფრანგეთის სოლიდარობის ჩვენება ისრაელის ხალხის მიმართ, რომელმაც ამაზრზენი ტერორისტული თავდასხმა განიცადა“,- განაცხადა საფრანგეთის დიპლომატიური უწყების ხელმძღვანელმა.

შეგახსენებთ, რომ 11 ოქტომბერს, ისრაელში დიდი ბრიტანეთის საგარეო საქმეთა მინისტრი ჯეიმს კლევერლი ჩავიდა. 12 ოქტომბერს, ქვეყანას ამერიკის შეერთებული შტატების სახელმწიფო მდივანი ენტონი ბლინკენი ეწვია. 13 ოქტომბერს, ისრაელში ჩავიდა ასევე აშშ-ის თავდაცვის მდივანი ლოიდ ოსტინიც.

იმავე დღეს, ქვეყანას ევროკომისიისა და ევროპარლამენტის პრეზიდენტები, ურსულა ფონ დერ ლაიენი და რობერტა მეცოლა სტუმრობდნენ. ისრაელში სოლიდარობის ნიშნად ასევე იმყოფებოდა გერმანიის საგარეო საქმეთა მინისტრი ანალენა ბერბოკი. ქვეყანაში ჩასვლის სურვილი გამოთქვა უკრაინის პრეზიდენტმა, ვოლოდიმირ ზელენსკიმაც.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის