2023-10-09 11:59:49, 691 ნახვა
მსოფლიო
გაერო - ღაზას სექტორში იძულებით გადაადგილებულ პირთა რიცხვმა 123 000-ს გადააჭარბა
"ჰამასის" ისრაელზე თავდასხმისა და ისრაელის საპასუხო იერიშების შემდეგ, 123 538-ზე მეტ პალესტინელს მოუწია საცხოვრებელი სახლების იძულებით დატოვება. აღნიშნულ მონაცემებს გაეროს ჰუმანიტარული დახმარების სამსახური აქვეყნებს.
გაეროს ცნობით, დაახლოებით, 73 000 ადამიანი სკოლებში მოწყობილ თავშესაფრებში იმყოფება.
ამ დროისთვის არსებული მონაცემებით, ისრაელის საპასუხო შეტევას ღაზას სექტორში 400-ზე მეტი ადამიანის სიცოცხლე ემსხვერპლა.
ავტორი: ექსპრესნიუსი,
epn.ge (@expressnews.ge)
