ხარკოვზე რუსი ოკუპანტების თავდასხმის შედეგად დაშავებულთა რიცხვი 30-მდე გაიზარდა. აღნიშნულის შესახებ ინფორმაციას ხარკოვის სამხარეო ადმინისტრაციის ხელმძღვანელი ოლეგ სინეგუბოვი ავრცელებს.

სინეგუბოვის განცხადებით, დაშავებულებს შორის18-დან 85-წლამდე ასაკის 20 მამაკაცი და 9 ქალია.

მისივე თქმით, თავდასხმას, ამ დროის მონაცემებით, 2 ადამიანი ემსხვერპლა.

"ადგილზე, სადაც რუსული რაკეტა ხარკოვის საცხოვრებელ კორპუსს მოხვდა, მაშველებმა 68 წლის ქალის ცხედარი იპოვეს. ის გარდაცვლილი10 წლის ბიჭის ბებიაა",- განაცხადა სინეგუბოვმა.

ცნობისთვის, რუსმა ოკუპანტებმა ხარკოვი დღეს, 6 ოქტომბერს დაბომბეს. 

ხარკოვის საოლქო პროკურატურის ხელმძღვანელის, ალექსანდრე ფილჩაკოვის განცხადებით, ოკუპანტებმა ხარკოვს "ისკანდერის" ტიპის რაკეტებით შეუტიეს.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ