პარლამენტთან მიმდინარე საპროტესტო აქციაზე ორი პირი დააკავეს. ამის შესახებ ინფორმაცია “ექსპრესნიუსს” შსს-ში დაუდასტურეს.

არსებული ინფორმაციით დაკავებულია ლაზარე გრიგორიადისის მამა, ბექა გრიგორიადისი და მისი ძმა.

აქციის ორგანიზატორები ამბობენ, რომ "შეკრებისა და მანიფესტაციის შესახებ" კანონში შესატანი ცვლილებები პირდაპირ ნიშნავს, რომ "ქართული ოცნება" ქვეყანაში დიქტატურის დამყარებას აპირებს.

აქციაზე შეკრებილი მოქალაქეები "ქართული ოცნების" კანონს აპროტესტებენ, რომლის დამტკიცებასაც მმართველი პარტია სამი მოსმენით აპირებს. 

შეგახსენებთ, რომ 2 ოქტომბერს „შეკრებებისა და მანიფესტაციების შესახებ“ კანონში შესატან ცვლილებებს პირველი მოსმენით მხარი ადამიანის უფლებათა დაცვისა და სამოქალაქო ინტეგრაციის კომიტეტმა, 3 ოქტომბერს კი, იურიდიულ საკითხთა კომიტეტმა დაუჭირა, გუშინ 4 ოქტომბერს კი საქართველოს პარლამენტმა „შეკრებებისა და მანიფესტაციების შესახებ“ კანონი პირველი მოსმენით მიიღო. 

კანონპროექტის დამტკიცების შემთხვევაში, მმართველ პარტიას უფლება ექნება აქციებზე სხვადასხვა ტიპის კონსტრუქციების, მათ შორის ხმის გამაძლიერებლების, მიკროფონებისა და კარვების გამოყენება აკრძალოს.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით