არაღიარებული მთიანი ყარაბაღიდან სომხეთში მოძრავი მოქალაქეების ჯგუფი უკვე ქვეყნის სიუნიკის ოლქის კორნიძორში მივიდა. ამ წუთებში ისინი კორნიძორის ჰუმანიტარული დახმარების პუნქტში იმყოფებიან.

მთიანი ყარაბაღის ხელისუფლებამ დღეს განაცხადა, რომ აზერბაიჯანის სამხედრო მოქმედებების შედეგად უსახლკაროდ დარჩენილი ოჯახები, რომლებმაც გამოთქვეს მთიანი ყარაბაღის დატოვების სურვილი, რუსი სამშვიდობოების თანხლებით სომხეთში გადაიყვანენ.

ასევე ცნობილი გახდა, რომ სასწრაფო დახმარების 23 მანქანა, სპეციალისტებისა და წითელი ჯვრის თანხლებით, მთიანი ყარაბაღიდან სომხეთში 23 მძიმედ დაჭრილი მოქალაქეს გადაჰყავდა. ბოლო მონაცემებით, ისინი ასევე უკვე სომხეთის ტერიტორიაზე არიან.

აზერბაიჯანის არმიის 19-20 სექტემბერს განხორციელებული ოპერაციის  შედეგად 8 ათასზე მეტი მოქალაქე იძულებული გახდა დაეტოვებინა საცხოვრებელი სახლები.

მანამდე სომხეთის პრემიერ-მინისტრმა ნიკოლ ფაშინიანმა განაცხადა, რომ ყარაბაღის სომხების ევაკუაციის საკითხი მისი მთავრობისთვის არ არის გეგმა "A" ან თუნდაც "B", არამედ ყველაზე მეტად არის გეგმა "C". მან განაცხადა, რომ სომხეთი არ გაატარებს მთიანი ყარაბაღის სომხური მოსახლეობის ჩამორთმევის პოლიტიკას. ამასთან, ფაშინიანმა უარყო მტკიცება, რომ მას არ სურს მთიანი ყარაბაღის მაცხოვრებლების სომხეთში გადასახლება.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით