2023-08-16 20:07:42, 1002 ნახვა
საზოგადოება
„ბათუმელები“ - ბათუმში, ზღვაში ახალგაზრდა კაცს კატერმა გადაუარა
გამოცემა “ბათუმელები” თვითმხილველზე დაყრდნობით წერს, რომ ბათუმში ე.წ. პიშევიკების ტერიტორიაზე, კაცს, რომელიც ზღვაში ბანაობდა კატერმა გადაუარა.
მათი თქმით, კაცი ზღვიდან უგონო მდგომარეობაში გამოიყვანეს, რომელსაც თავის არეში დაზიანება ჰქონდა მიღებული.
შინაგან საქმეთა სამინისტროს ცნობით, გამოძიება სისხლის სამართლის კოდექსის 275-ე მუხლით მიმდინარეობს, რაც რკინიგზის, წყლის ან საბაგიროს ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება ჯარიმით, ან 1 წლამდე პატიმრობით.
ავტორი: ექსპრესნიუსი,
epn.ge (@expressnews.ge)
