2023-08-02 10:34:17, 1031 ნახვა
მსოფლიო
დონალდ ტრამპს კაპიტოლიუმის შტურმის საქმეზე ბრალი წაუყენეს
ამერიკის შეერთებული შტატების ყოფილ პრეზიდენტ დონალდ ტრამპს კაპიტოლიუმის შტურმის საქმეზე ბრალი წაუყენეს. აღნიშნულ ინფორმაციას Reuters-ი ავრცელებს.
გამოცემის ცნობით, "რესპუბლიკელ" ექსპრეზიდენტს ბრალად 2020 წლის არჩევნების გაუქმების ფართომასშტაბიანი მცდელობა ედება.
საქმეს იძიებს სპეციალური პროკურორი ჯეკ სმიტი, რომელმაც ტრამპს ბრალი 4 პუნქტში წაუყენა: შეთქმულება აშშ-ის მოტყუების მიზნით; შეთქმულება ოფიციალური პროცედურების შეფერხების მიზნით; სამსახურებრივი პროცედურების დაბრკოლება და ხელის შეშლის მცდელობა; შეთქმულება მოქალაქეთა უფლებების დარღვევის მიზნით.
დონალდ ტრამპი ვაშინგტონის სასამართლოში 3 აგვისტოს უნდა გამოცხადდეს.
ავტორი: ექსპრესნიუსი,
epn.ge (@expressnews.ge)
