უნგრეთი უკრაინის ევროკავშირში გაწევრიანებისთვის მოლაპარაკებების დაწყებას მხარს დაუჭერს, თუ ალიანსის წევრი ქვეყნები საქართველოსთვის კანდიდატის სტატუსის მინიჭებას დათანხმდებიან. ამის შესახებ „რადიო თავისუფლების“ ევროპის ბიუროს რედაქტორი რიკარდ იოზვიაკი ევროკავშირის ოფიციალურ პირზე დაყრდნობით წერს.

იოზვიაკი წყაროს ვინაობას არ ასახელებს და აცხადებს, რომ ბოლო წლებში საქართველოს მთავრობამ უნგრეთთან უფრო მჭიდრო ურთიერთობა დაამყარა.

„ერთი სცენარი, რომელიც ახლახან ევროკავშირის ოფიციალური პირისგან მოვისმინე, არის ის, რომ უნგრეთი უკრაინის ევროკავშირში გაწევრიანებისთვის მოლაპარაკებების დაწყებას ხელს მოაწერს მხოლოდ იმ შემთხვევაში, თუ ალიანსის წევრი ქვეყნები საქართველოსთვის კანდიდატის სტატუსის მინიჭებას დათანხმდებიან",- ამბობს იოზვიაკი.

მისივე თქმით, საქართველოსთვის კანდიდატის სტატუსზე კონსენსუსის მიღწევა რთული იქნება, განსაკუთრებით იმის გათვალისწინებით, თუ რამდენი სამუშაო აქვს ქვეყანას.

"კანდიდატი ქვეყნებისთვის მოლდოვასა და უკრაინისთვის შემდეგი ეტაპი გაწევრიანების მოლაპარაკებების გახსნა იქნება. საქართველოსთვის ეს ნიშნავს ყოფნას იქ, სადაც მოლდოვა და უკრაინა არიან ახლა: წევრობის ოფიციალური კანდიდატები.

გასულ კვირას წარმოდგენილი ანგარიშიდან თუ ვიმსჯელებთ, სამეულს აქვს უამრავი საშინაო დავალება მომდევნო თვეებში, განსაკუთრებით საქართველოსთვის, რომელიც აშკარად ჩამორჩება",- ამბობს „რადიო თავისუფლების“ ევროპის ბიუროს რედაქტორი.

ცნობისთვის, ევროკომისიის ანგარიშში ნათქვამია, რომ უკრაინამ 7 პრიორიტეტიდან 2 შეასრულა, მოლდოვამ - 9-დან 3,  საქართველომ კი 12-დან 3.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს