პრეზიდენტის ეს აქტი მიმართულია არა კონკრეტული ერთი ადამიანის თავისუფლებისთვის არამედ ჩვენი ქვეყნის საკეთილდღეოდ", - ასე გამოეხმაურა "ნაციონალური მოძრაობის" თავმჯდომარე, ლევან ხაბეიშვილი, "მთავარი არხის" გენერალური დირექტორის, ნიკა გვარამიას შეწყალების საკითხს.

როგორც ხაბეიშვილმა განაცხადა, მიღებული გადაწყვეტილება ძალიან დიდი მნიშვნელობის წინ გადადგმული ნაბიჯია ქვეყნის ევროპული პერსპექტივისთვის.

"მნიშვნელოვანია, რომ ფაქტი დადგა - ძალიან, ძალიან დიდი მნიშვნელობის გადაწყვეტილება ჩვენი ქვეყნის ევროპული პერსპექტივისთვის. იქნება ეს ნიკას მეგობრები თუ უბრალოდ ჩვენი ქვეყნის გულშემატკივრები, იმიტომ რომ მთავარი ოპოზიციური არხის გენერალური დირექტორი რომ გყავს დატყვევებული ისე ევროკავშირის კანდიდატის სტატუსს ან ევროკავშირში არ მიგვიღებენ, ორჯერ ორია. ასევე წინ გვაქვს სერიოზული ბრძოლები და ასევე ცხადია, მნიშვნელოვანია პრეზიდენტ სააკაშვილის თავისუფლება. ჩვენ ვხედავთ ჰომ ევროპარლამენტარების ევროპულ რეზოლუციებს, ჩვენი დასავლელი პარტნიორების მხრიდან პირდაპირ განცხადებებს, იგივე ნიკა გვარამიას თავისუფლებასთან დაკავშირებით. მიშა სააკაშვილის თავისუფლებასთან დაკავშირებით.

ნიკა გვარამიასთან დაკავშირებით უმნიშვნელოვანესი გადაწყვეტილება იქნა მიღებული და შესაბამისად, გამარჯვება კიდევ უფრო მოახლოვდა. მძიმე ღამე აქვს ახლა რუსულ ოცნებას, მესმის, ძალიან მძიმე დღეში არიან...

პრეზიდენტის ეს აქტი მიმართულია არა კონკრეტული ერთი ადამიანის თავისუფლებისთვის არამედ ჩვენი ქვეყნის საკეთილდღეოდ", - განაცხადა ხაბეიშვილმა.

შეგახსენებთ, დღეს საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი, ნიკა გვარამია შეიწყალა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს