ადამიანის უფლებათა საკითხებში რუსეთის ფედერაციის პრეზიდენტის მრჩეველთა საბჭოს წევრი შოთა გორგაძე რამდენიმე კვირის წინ საქართველოში, ბათუმში იმყოფებოდა.

შოთა გორგაძემ რესტორან "რეტროდან" გამოაქვეყნა ვიდეო, სადაც, ის რუსებს აჭარული ხაჭაპურის ჭამის ინსტრუქციას უხსნის და საკუთარ გამომწერებს მოუწოდებს ესტუმრონ "რეტროს" ბათუმის ფილიალს, რომელიც მათი "დიდი მეგობრის, გია აგირბას რესტორანია".

"რამდენიმე კვირის წინ სტუმრად ვიყავი ჩვენს მეგობართან, გია აგირბასთან "რეტრო ბათუმში". მაესტრომ საკუთარი ხელით მომიმზადა ჩემი საყვარელი ნავუკა) იმედი მაქვს, შუაღამისას არავის პროვოცირებას მოვახდენ ამ პოსტით, რომელიც ჭამას ეხება)))", - წერს შოთა გორგაძე სოციალურ ქსელში.

შეგახსენებთ, რომ 3 ივნისს, სოციალურ ქსელში გავრცელდა ვიდეოკადრები, სადაც ჩანს, როგორ ძალადობს ფიზიკურად ბათუმში არსებული რესტორან "რეტროს" მფლობელი თეიმურაზ ვარშანიძე მის ობიექტზე დასაქმებულ პირზე.

5 ივნისს, თეიმურაზ ვარშანიძე თანამშრომლის მიმართ ძალადობის ფაქტზე დააკავეს, მომხდართან დაკავშირებით გამოძიება სისხლის სამართლის კოდექსის 126-ე მუხლით მიმდინარეობს.

ამასთან ერთად, რესტორანი „რეტრო“ 15-მა თანამშრომელმა სოლიდარობის ნიშნად დატოვა.

გარდა ამისა, 5 ივნისს, შრომის ინსპექციის სამსახურმა „შპს რეტროსა“ და „შპს რესტრო 2“-ს  სამუშაო პროცესი შეუჩერა და ობიექტი დამატებით 30 000 ლარით დააჯრიმა.

აღსანიშნავია ასევე, რომ რესტორან „რეტროს“ მფლობელი თეიმურაზ ვარშანიძე სასამართლომ გირაოს სანაცვლოდ გუშინ, 6 ივნისს გაათავისუფლა.

ავტორი: ექსპრესნიუსი,

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი