აცნობიერებთ თუ არა პასუხისმგებლობას იმაზე, რომ ქვეყნის მესამე პრეზიდენტი თქვენი ხელისუფლების პირობებში შესაძლებელია მოკვდეს,- ამ შეკითხვით მიმართა "ერთიანი ნაციონალური მოძრაობის"დეპუტატმა, თინა ბოკუჩავამ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, ზურაბ აზარაშვილს, რომელსაც პარალამენტში, "მინისტრის საათის" ფორმატში უსმენენ.

როგორც თინა ბოკუჩავამ განაცხადა, მთავრობის მიმართ ოპოზიციის შეთავაზება უცვლელია - გადაიყვანონ მიხეილ სააკაშვილი საზღვარგარეთ სამკურნალოდ.

"2 აპრილს სახალხო დამცველის მიერ მოწვეულმა სპეციალისტმა ვიზიტი განახორციელა კლინიკა "ვივამედში" მიხეილ სააკაშვილის მდგომარეობის შეფასების მიზნით და დაადგინა, რომ წინა ვიტთან შედარებით მდგომარეობა დამძიმებულია...

მე თქვენთან მაქვს კითხვა - აცნობიერებთ თუ არა პირად პასუხისმგებლობას იმაზე, რომ ქვეყნის მესამე პრეზიდენტი თქვენი ხელისუფლების პირობებში შესაძლებელია მოკვდეს? აცნობიერებთ თუ  არა ამაზე პირად პასუხისმგებლობას და რას გვთავაზობთ ამისთვის და რას სთავაზობთ საზოგადოებას ამისთვის, რომელსაც დარწმუნებული ვარ სურს, გადარჩეს ქვეყნის მესამე პრეზიდენტი და რას გვთავაზობთ, რომ ის გადარჩეს?

ჩვენ გთავაზობთ მის გადაყვანას საზღვარგარეთ სამკურნალოდ და ვფიქრობთ, რომ ეს არის ერთადერთი გონივრული გამოსავალი შექმნილ უკიდურესად მძიმე მდგომარეობაში",- მიმართა ბოკუჩავამ აზარაშვილს.

ავტორი: ექსპრესნიუსი,

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო