უკრაინელებს სურთ მშვიდობა, ჩვენც გვსურს მშვიდობა. მაგრამ არ გვსურს კაპიტულაცია, არ გვინდა, რომ უკრაინა მეორე ბელარუსად იქცეს,- აღნიშნულის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა.

ბორელის თქმით, ევროკავშირის წევრები გააგრძელებენ უკრაინის მხარდაჭერას.

"ვფიქრობ, მნიშვნელოვანია რამდენიმე ნარატივის გამეორება. უკრაინა არის მსხვერპლი, რუსეთი - აგრესორი. რუსეთს არ სურს ბრძოლის შეწყვეტა. და უკრაინასაც არ შეუძლია შეწყვიტოს ბრძოლა. თუ უკრაინას სურს უბრალოდ გააგრძელოს არსებობა, როგორც ერმა, მას არ შეუძლია გაჩერება. რუსეთს არ სურს გაჩერება, უკრაინას კი არ შეუძლია გაჩერება.

ბევრი ამბობს, რომ მათ მშვიდობა სურთ. ვაკეთებთ ამას. მაგრამ ყველაზე მეტად მშვიდობა სურთ უკრაინელებს. უკრაინელებს სურთ მშვიდობა, ჩვენც გვსურს მშვიდობა. მაგრამ არ გვსურს კაპიტულაცია, არ გვინდა, რომ უკრაინა მეორე ბელარუსად იქცეს. და სწორედ ამიტომ პრეზიდენტ ზელენსკის მშვიფდობის ფორმულა დღეს, ახლა, არის ერთადერთი ყოვლისმომცველი ჩარჩო უკრაინაში მდგრადი მშვიდობისთვის",- განაცხადა ბორელმა.

ავტორი: ექსპრესნიუსი,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა