შუახევში, ინფრასტრუქტურული ღონისძიების ფარგლებში,  ხაბელაშვილები-ხიჭაურის სასმელი წყლის მაგისტრალის სარეაბილიტაციო სამუშაოები მიმდინარეობს. 

შუახევის მუნიციპალიტეტის მერიის ცნობით, სამუშაო პროცესს შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძესთან, აჭარის უმაღლესი საბჭოს მაჟორიტარ დეპუტატთან ფრიდონ ფუტკარაძესთან  და თვითმმართველობის წარმომადგენლებთან ერთად გაეცნო და ადგილობრივებს გაესაუბრა.

"აღნიშნულ მონაკვეთზე წყალსადენის ქსელის 2,7 კმ სიგრძის მოძველებული მონაკვეთი ახლით შეიცვლება, მიმდინარეობს მიწის გრუნტის დამუშავება და მილების ჩაწყობა-შედუღებითი სამუშაოები.

პროექტის განხორციელების შედეგად, ახალი წყალსადენით ჭვანა-ხიჭაურის მოსახლეობა და მიმდებარე დაწესებულებები ისარგებლებენ.

ხელშეკრულებით გათვალისწინებული სამუშაოები ივლისის ბოლოს დასრულდება. პროექტზე 395 000 ლარამდე დაიხარჯება.

პარალელურად, აღნიშნულ ლოკაციაზე აჭარის საავტომობილო გზების დეპარტამენტი 6 კმ  საავტომობილო გზის მონაკვეთზე სარეაბილიტაციო სამუშაოებს ახორციელებს", - ნათქვამია შუახევის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა