დღეიდან, 4 აპრილიდან, საქართველოს პარლამენტს ხუთი ახალი დეპუტატი ჰყავს. მმართველი პარტიის სიით არჩეული დეპუტატების ადგილმონაცვლეების დამტკიცებას პარლამენტმა მხარი დაუჭირა.

დეპუტატები პარლამენტში "ქართული ოცნების" იმ დეპუტატებს ჩაანაცვლებენ, რომლებიც შიდა პარტიული გადაადგილების შედეგად სხვადასხვა თანამდებობებზე დაინიშნენ და პარლამენტი დატოვეს.

• პარლამენტის გამოკლებული წევრის, გიორგი ამილახვარის ადგილმონაცვლის, გიორგი ჩაკვეტაძის უფლებამოსილებას პარლამენტის 83 წევრი ერთხმად დაეთანხმა.
• პარლამენტის გამოკლებული წევრის, ირაკლი კოვზანაძის ადგილმონაცვლედ, პარლამენტმა თენგიზ შარმანაშვილის უფლებამოსილება 87 ხმით ცნო.
• გიორგი ხელაშვილი პარლამენტში მერაბ ქვარაიამ ჩაანაცვლა, რომლის უფლებამოსილებას პარლამენტის 83 წევრი დაეთანხმა.
• პარლამენტის გამოკლებული წევრის, ნინო იობაშვილის ადგილმონაცვლედ წარმოდგენილ სალომე ქურასბედიანის უფლებამოსილების ცნობას მხარი 87-მა დეპუტატმა დაუჭირა.
• ირაკლი კირცხალიას უფლებამოსილებას კი, რომელმაც პარლამენტის გამოკლებული წევრი, ვლადიმერ ჩაჩიბაია ჩაანაცვლა, 88 პარლამენტის წევრმა დაუჭირა მხარი.

დეპუტატების, ადგილმონაცვლეების პარლამენტში შესვლა მას შემდეგ გახდა საჭირო, რაც მოქმედ დეპუტატებს საპარლამენტო მანდატები შეუწყდათ. 

• გიორგი ამილახვარი - დაინიშნა განათლების მინისტრად;
• გიორგი ხელაშვილი - დაინიშნა პარლამენტის თავმჯდომარის მრჩევლად;
• ნინო იობაშვილი - დაინიშნა პრემიერ-მინისტრის მრჩევლად;
• ვლადიმერ ჩაჩიბაია - დაინიშნა პრემიერ-მინისტრის მრჩევლად;
• ირაკლი კოვზანაძე - უფლებამოსილება შეუწყდა საკუთარი მოთხოვნის საფუძველზე.

ავტორი: ექსპრესნიუსი,

სოციალური ქსელები

სააგენტო: 30-31 ივლისს აღმოსავლეთ საქართველოში წვიმა, სეტყვა და ღვარცოფის საფრთხეა მოსალოდნელი

ქარელში კაცმა ბენზინი გადაისხა - კაცი კლინიკაშია გადაყვანილი

ქობულეთში ცოლზე ძალადობის ბრალდებით კაცი დააკავეს

ბაქომ უკრაინას კრიტიკული ინფრასტრუქტურის შესაკეთებლად 40 ტონა აღჭურვილობა გაუგზავნა