უკრაინის წინააღმდეგ დრონების მიწოდების სანაცვლოდ, რუსეთი ირანს სარაკეტო პროგრამის განვითარებაში ეხმარება. ამის შესახებ აშშ-ის ცენტრალური სადაზვერვო სააგენტოს (CIA) დირექტორმა, უილიამ ბერნსმა განაცხადა.

როგორც CIA-ს დირექტორმა CBS-თან ინტერვიუში აღნიშნა, ირანსა და რუსეთს შორის ალიანსი სწრაფად ვითარდება, რაც საკმაოდ საგანგაშო სიგნალია.

"ირანელებმა უკვე მიაწოდეს რუსებს ასობით სამხედრო დრონი, რომლებსაც ისინი იყენებენ უკრაინის მშვიდობიანი მოსახლეობისა და სამოქალაქო ინფრასტრუქტურის წინააღმდეგ. ჩვენ ვიცით, რომ მათ მიაწოდეს საბრძოლო მასალა არტილერიისთვის და ასევე ტანკებისთვის", - თქვა ბერნსმა. 

ამავდროულად, უილიამ ბერნსი ხედავს ნიშნებს, რომ რუსეთი ირანს დახმარებას სარაკეტო პროგრამის განვითარებაში სთავაზობს. 

ამასთან, თეთრი სახლი მიიჩნევს, რომ ირანი აპირებს გაზარდოს რუსეთის მხარდაჭერა უკრაინის წინააღმდეგ ომში. სანაცვლოდ ის მიიღებს საბრძოლო თვითმფრინავებს და სხვა აღჭურვილობას. 

ავტორი: ექსპრესნიუსი,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს