2023-02-14 21:25:01, 1617 ნახვა
ომი უკრაინაში
სტეფანჩუკი - ეუთოს შეხვედრაზე უკრაინისა და რუსეთის ერთ მაგიდასთან ყოფნა აღმაშფოთებელია
აღმაშფოთებელია ეუთოს საპარლამენტო ასამბლეის ოფიციალურ შეხვედრაზე უკრაინისა და რუსეთის დელეგაციების ერთ მაგიდასთან ყოფნა, - ამის შესახებ უკრაინის პარლამენტის თავმჯდომარემ, რუსლან სტეფანჩუკმა განაცხადა.
მისივე თქმით, ავსტრიულმა მხარემ რუსეთის წარმომადგენლებისთვის ვიზის გაცემაზე უარი არ თქვა, რაც უკრაინული მხარისთვის მიუღებელია.
„23-24 თებერვალს ვენაში ეუთოს საპარლამენტო ასამბლეის შეხვედრაა დაგეგმილი. ავსტრიულმა მხარემ რუსეთის წარმომადგენლებისთვის ვიზის გაცემაზე უარი არ თქვა. მიუღებელია და აღმაშფოთებელია ეუთოს საპარლამენტო ასამბლეის ოფიციალურ შეხვედრაზე უკრაინისა და რუსეთის დელეგაციების ერთ მაგიდასთან ყოფნა“, - განაცხადა სტეფანჩუკმა.
ავტორი: ექსპრესნიუსი,
epn.ge (@expressnews.ge)
