თურქეთის პრეზიდენტი რეჯეფ თაიფ ერდოღანი დამანგრეველი მიწისძვრების შედეგად დაზიანებულ თურქეთის სამხრეთ ნაწილში ჩავიდა. როგორც "ანადოლუ" იტყობინება, ქვეყნის პრეზიდენტი სტიქიისგან ყველაზე მეტად დაზიანებულ ქაჰრამანმარასში არსებულ ვითარებას გაეცნო და განაცხადა, რომ თურქეთმა მიწისძვრის სალიკვიდაციო ღონისძიებებისთვის მთელი თავისი რესურსის მობილიზება მოახდინა.

ერდოღანის თქმით, ანტალიასა და ალანიაში მდებარე სასტუმროების ნაწილმა სტიქიის შედეგად დაზარალებული ბევრი ოჯახი შეიფარა.

"ჩვენმა მოქალაქეებმა არ უნდა ინერვიულონ -  არასდროს დავუშვებთ, რომ ისინი თავშესაფრის გარეშე დარჩნენ", - თქვა პრეზიდენტმა.

მისივე განცხადებით, მიწისძვრით დაზარალებული თითოეული ოჯახი 10 000 თურქულ ლირას (530 აშშ დოლარი) მიიღებს. გარდა ამისა, როგორც ერდოღანი ამბობს, მთავრობა უსახლკაროდ დარჩენილებისთვის საცხოვრებლების აშენებასაც გეგმავს.

შეგახსენებთ, სამხრეთ-აღმოსავლეთ და ცენტრალურ თურქეთში 6 თებერვალს, ათსაათიანი შუალედით ორი ძლიერი მიწისძვრა მოხდა. თურქეთსა და სირიაში სტიქიის შედეგად გარდაცვლილთა რიცხვი ამ დროისთვის 10 000-ს აღემატება. დაზარალებულ პროვინციებში სამძებრო-სამაშველო ღონისძიებები მიმდინარეობს. სკოლები ქვეყნის მასშტაბით 13 თებერვლამდე დახურულია. დაზარალებულ 10 პროვინციაში კი, სწავლა  20 თებერვლამდე შეჩერდა. გამოცხადდა 7-დღიანი გლოვა და თურქეთის ყველა ადმინისტრაციულ შენობაზე სახელმწოფო დროშები დაეშვა.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი