რა შედეგითაც არ უნდა დასრულდეს არჩევნები, სანამ მიხეილ სააკაშვილი არის პატიმარი, მანამ პარტიას ექნება მეტი და მეტი პრობლემა, - განაცხადა "ნაციონალური მოძრაობის" მოქმედმა თავმჯდომარემ, ნიკა მელიამ "ფორმულას" ეთერში.

მისივე თქმით, პარტია რეალობას თვალს უსწორებს, უბრალოდ ადამიანების ნაწილმა საკუთარი ნების წინააღმდეგ საჯარო კომუნიკაციაში განაცხადეს, რომ ეს ყოველივე პარტიის თავმჯდომარის ბრალია.

როდესაც პარტიას დამფუძნებელი, მიხეილ სააკაშვილი ტყვეობაში ჰყავს, ცალსახაა, რომ გაიზრდებოდა პრობლემები. წარმატებითაც რომ ჩავატაროთ ახლა არჩევნები, რა შედეგითაც არ უნდა დასრულდეს, სანამ მიხეილ სააკაშვილი არის პატიმარი, მანამ პარტიას ექნება მეტი და მეტი პრობლემა. ეს არის რეალობა და ამ რეალობას თვალს ვუსწორებთ. უბრალოდ აღმოჩნდა ისე, ადამიანებმა, ნაწილმა მათგანმა, ღრმად ვარ დარწმუნებული, საკუთარი ნების წინააღმდეგ საჯარო კომუნიკაციაში განაცხადეს, რომ ეს არის პარტია ერთიანი ნაციონალური მოძრაობის თავმჯდომარის ბრალი.

იცით, რომ პარტია არსებობს ამ მდგომარეობაში, რა მდგომარეობაშიც არსებობს, ის რომ მიხეილ სააკაშვილის მიმართულებით ჩვენ არ ვაქტიურობთ, რომ ბიძინა ივანიშვილის რეჟიმი არის ფესვებგამდგარი ღრმად, ამ ყველაფერს მივიღებდი და ახლაც მივიღე და ხედავთ, რომ ვმონაწილეობ ამ არჩევნებში.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ