როგორც ჩანს, "ნაციონალური მოძრაობა" პოლიტიკაში ყოფნას ფულის, მანქანებისა და გავლენების გამო აპირებს, - ასე ეხმაურება ანტიდასავლური მოძრაობა "ხალხის ძალის" წარმომადგენელი დიმიტრი ხუნდაძე ოპოზიციურ პარტიაში მიმდინარე პროცესებს.

ხუნდაძის შეფასებით, ენმ-ი, რომლის მთავარი სამიზნეც დავით კეზერაშვილის ფულია, მილევადი პარტიაა.

"ნაციონალური მოძრაობა" მილევადი პარტიაა და ის თავის დასასრულს უახლოვდება. ჭრელი ფული უკვე არის სადაო მათ შორის და დავიდნენ მანქანებამდე, საჩუქრებამდე, ხელფასებამდე. კეზერაშვილის ფინანსებს განიხილავენ მთავარ სამიზნედ და მთავარ ფუნდამენტად თუ რისთვის უნდა იყვნენ ისინი პოლიტიკაში. ისინი, როგორც ჩანს, პოლიტიკაში აპირებენ ფულის, მანქანებისა და გავლენების გამო ყოფნას", - აცხადებს ხუნდაძე.

ცნობისთვის,"ნაციონალური მოძრაობის" წევრმა, ლევან ბეჟაშვილმა განაცხადა, რომ ნიკა მელიამ  დავით კეზერაშვილისგან საჩუქრად ავტომობილი მიიღო. როგორც ბეჟაშვილმა 22 იანვარს  ტელეკომპანია "ფორმულასთან" საუბრისას აღნიშნა, რამდენიმე არჩევნების განმავლობაში, კეზერაშვილი მელიას პირადად ეხმარებოდა, მიუღია საჩუქრებიც, მათ შორის ძვირადღირებული ავტომობილი, რომლითაც ის დღეს დადის.

ენმ-ის მოქმედი თავმჯდომარე და თავმჯდომარეობის კანდიდატი ნიკა მელია აღნიშნულ განცხადებას სოციალურ ქსელში გამოეხმაურა და თქვა, რომ მას შემდეგ, რაც თავდაცვის ყოფილი მინისტრმა შიდაპარტიულ პროცესებში ჩარევა სცადა, მისთვის ავტომობილის დაბრუნება გადაწყვიტა, თუმცა "ის დღემდე ენმ-ის ავტოფარეხში დგას".

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ