ჩვენთვის მნიშვნელოვანი გადაწყვეტილება და კიდევ ერთი ცუდი ამბავი საოკუპაციო ძალაუფლებისთვის, - ასე აფასებს უკრაინის რადას ფრაქციის "ხალხის მსახურის" თავმჯდომარე დავით არახამია ევროპარლამენტის მიერ მიღებულ რეზოლუციას, რომელიც პუტინისა და ლუკაშენკოს გასასამართლებლად სპეციალური ტრიბუნალის შექმნას უჭერს მხარს. 

როგორც არახამია Telegram-ზე წერს, ეს არის ძალიან ძლიერი სიგნალი დასავლეთიდან, ვინაიდან უკრაინა გამარჯვებისთვის, ყველაფერთან ერთად, იურიდიულ მხარდაჭერას მიიღებს. 

"ევროპარლამენტმა უკრაინის წინააღმდეგ აგრესიის დანაშაულისთვის სპეციალური ტრიბუნალის შექმნას მხარი დაუჭირა.

ჩვენთვის მნიშვნელოვანი გადაწყვეტილება და კიდევ ერთი ცუდი ამბავი საოკუპაციო ძალაუფლებისთვის.

უკრაინა მიიღებს ყველაფერს, რაც აუცილებელია გამარჯვებისთვის - იარაღს, ფინანსურ, პოლიტიკურ და იურიდიულ მხარდაჭერას.

რუსეთი წააგებს და აგებს პასუხისმგებლობას ბუჩაზე, მარიუპოლზე, დნეპრზე, ხარკოვზე, დონბასსა და ყირიმზე. სასამართლო დარბაზში ვნახავთ ყველას, ვინც ბრძანებებს გასცემდა და ასრულებდა.

ეს არის ძალიან ძლიერი სიგნალი დასავლეთიდან. ვირთხებს მაინც შეუძლიათ ბუნკერიდან თავის დაღწევა, მაგრამ განაჩენები აუცილებლად იქნება",- წერს არახამია. 

შეგახსენებთ, რომ დღეს ევროპარლამენტმა მხარი დაუჭირა არასავალდებულო რეზოლუციას, რომელიც მოითხოვს სპეციალური საერთაშორისო ტრიბუნალის შექმნას რუსეთისა და ბელარუსის პრეზიდენტების გასასამართლებლად. 

ევროპარლამენტი თვლის, რომ სპეციალური ტრიბუნალის შექმნა შეავსებს დიდ ხარვეზს საერთაშორისო სისხლის სამართლის ინსტიტუციურ სტრუქტურაში და უნდა ეფუძნებოდეს იმ სტანდარტებსა და პრინციპებს, რომლებიც ეხება სისხლის სამართლის საერთაშორისო სასამართლოს.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”