უკრაინის პრეზიდენტი ვოლოდიმირ ზელენსკი აღნიშნავს, რომ ჯერ ვერც ერთ საერთაშორისო ორგანიზაციას არ ჰპოვებია ძალა, მიეღო წვდომა იმ ადგილებზე, სადაც უკრაინელი სამხედრო ტყვეები იმყოფებიან.

ზელენსკის თქმით, ევროპის უსაფრთხოებისა და თანამშრომლობის ორგანიზაციის (ეუთო) მოქმედი თავმჯდომარე, ჩრდილოეთ მაკედონიის საგარეო საქმეთა მინისტრი ბუჯარ ოსმანი კიევში იმყოფებოდა, რომელთანაც აღნიშნული საკითხები განიხილა. 

„რა თქმა უნდა, ჩვენ ვისაუბრეთ, უპირველეს ყოვლისა, როგორ გავხადოთ ეუთო ეფექტური. ეს არის ერთ-ერთი საერთაშორისო ორგანიზაცია, რომელსაც აქვს მნიშვნელოვანი პოტენციალი, მაგრამ სხვადასხვა მიზეზის გამო კრიტიკულ სიტუაციებში აქვს კონკრეტული ქმედებების დიდი ნაკლებობა, დიდი ნაკლებობა“, - აღნიშნა სახელმწიფოს მეთაურმა.

მან დასძინა, რომ ეუთოს შეუძლია მნიშვნელოვნად გაზარდოს ყურადღება და შესაბამისად იმოქმედოს ოკუპირებული ტერიტორიიდან უკრაინელების დეპორტაციის, ასევე უკრაინელი პატიმრების გათავისუფლებაში.

"ჯერ ვერც ერთმა საერთაშორისო ორგანიზაციამ ვერ ჰპოვა ძალა, რომ მიეღო წვდომა იმ ადგილებზე, სადაც ჩვენი პატიმრები იმყოფებიან რუსეთის ტერიტორიაზე. ეს უნდა გამოსწორდეს. იმედი მაქვს, რომ ჩრდილოეთ მაკედონიის თავმჯდომარეობა ეუთო-ში ხელს შეგვიწყობს ამაში". განაცხადა ზელენსკიმ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”