ეს არის ცინიკური - ასე ეხმაურება ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი რუსეთის მიერ ე.წ. საშობაო ზავის ფარგლებში ცეცხლის შეწყვეტის გადაწყვეტილებას.

პრაისის განცხადებით, ვლადიმერ პუტინს სურს მსოფლიო მოატყუოს და პაუზა ხელახალი შეტევების დასაწყებად გამოიყენოს.

"ჩვენი გადმოსახედიდან ეს არის ცინიკური. რატომ? - იმიტომ, რომ ახლა, რამდენიმე დღის შემდეგ, რაც მოსკოვმა უკრაინის სამოქალაქო ინფრასტრუქტურაზე, მის სამოქალაქო ცენტრებზე საახალწლო თავდასხმები განახორციელა, ჩვენ ნაკლებად გვჯერა ამ განცხადების მიღმა არსებული განზრახვის. ყველამ მოვისმინეთ სახელმწიფო მდივნის სიტყვები, სადაც ის შეშფოთებას გამოთქვამს, რომ რუსები შეეცდებიან, დროებითი პაუზა ბრძოლაში დასვენებისთვის, გადაჯგუფებისა და საბოლოო ხელახალი შეტევისთვის გამოიყენონ. თუ რუსეთს ნამდვილად ჰქონდა სურვილი მშვიდობის დამყარებისა და ომის დასრულების, ის ჯარებს უკრაინის სუვერენული ტერიტორიიდან გაიყვანდა. პუტინს სურს, მოატყუოს მსოფლიო და საზოგადოება. გრძელდება თუ არა ე.წ. ცეცხლის შეწყვეტა მართლმადიდებლურ შობასთან დაკავშირებით - ეს რა თქმა უნდა, არის კითხვა, რომლის პასუხიც ამ ეტაპზე მხოლოდ რუსეთს აქვს. როგორც ჩანს, ეს არის მცდელობა გააგრძელოს ის, რაც უკრაინელ ხალხს თითქმის ერთი წლის განმავლობაში უკვე მიაყენა. ის ცდილობს დაისვენოს, გადაჯგუფდეს და საბოლოოდ ხელახალი შეტევები დაიწყოს", - განაცხადა ნედ პრაისმა.

შეგახსენებთ, გუშინ, 5 იანვარს რუსეთის პრეზიდენტმა 6 და 7 იანვარს ცეცხლის შეწყვეტის ბრძანება გასცა. ცეცხლის შეწყვეტის რეჟიმი 6 იანვარს, მოსკოვის დროით 12:00 საათზე უნდა ამოქმედდეს და 7 იანვრის 00:00 საათამდე დარჩეს ძალაში. აღსანიშნავია, რომ ვლადიმერ პუტინის გადაწყვეტილებამდე, "საშობაო ზავის" დაწესების ინიციატივით რუსეთის პატრიარქი კირილი გამოვიდა.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი