რუსეთის საგარეო საქმეთა მინისტრი სერგეი ლავროვი უკრაინას 4 ოკუპირებულ რეგიონთან დაკავშირებით ულტიმატუმს უყენებს და აცხადებს, რომ უკრაინამ უნდა შეასრულოს მოსკოვის წინადადებები "ახალ ტერიტორიებთან" დაკავშირებით, წინააღმდეგ შემთხვევაში, რუსი სამხედროები იმოქმედებენ. ლავროვის აღნიშნული განცხადება რუსულმა სახელმწიფო საინფორმაციო სააგენტო TASS-მა გაავრცელა.

ლავროვის თქმით, კონფლიქტის ხანგრძლივობა დამოკიდებულია ვაშინგტონზე, რომელსაც შეუძლია "ეს უშედეგო წინააღმდეგობა" შეაჩეროს.

"მტერმა კარგად იცის ჩვენი წინადადებები რეჟიმის მიერ კონტროლირებადი ტერიტორიების დემილიტარიზაციისა და დენაციონალიზაციის შესახებ და იქიდან რუსეთის უსაფრთხოებისთვის საფრთხის აღმოფხვრის შესახებ, მათ შორის ჩვენი ახალი ტერიტორიების ჩათვლით. დარჩენილია მხოლოდ ერთი რამ - შეასრულოს ისინი, სანამ გვიან არ არის, წინააღმდეგ შემთხვევაში, რუსეთის არმია საქმეს თავის ხელში აიღებს. კონფლიქტის ხანგრძლივობასთან დაკავშირებით, ბურთი ახლა ვაშინგტონისა და მისი რეჟიმის მოედანზეა. მათ შეუძლიათ ნებისმიერ მომენტში შეაჩერონ ეს უშედეგო წინააღმდეგობა", - ამბობს ლავროვი.

ცნობისთვის, რუსეთის პრეზიდენტმა, ვლადიმერ პუტინმა უკრაინის 4 ანექსირებული რეგიონის - ხერსონის, ზაპოროჟიეს, დონეცკისა და ლუგანსკის რუსეთისთვის მიერთებას ხელი 30 სექტემბერს მოაწერა.

ავტორი: ექსპრესნიუსი,

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს