ძალიან ცუდად გამოიყურება, შესამჩნევია თვალის გარშემო კუნთის ტრემორიც. - ამის შესახებ "ერთიანი ნაციონალური მოძრაობის" ლიდერმა, ხატია დეკანოიძემ მიხეილ სააკაშვილის მონახულების შემდეგ განაცხადა.

მისივე თქმით, სააკაშვილის მდგომარეობა საავადმყოფოში არ უმჯობესდება, პირიქით უარესდება.

"ყოველთვის ვცდილობ მიშას ჯანმრთელობაზე სიფრთხილით ვისაუბრო. ვშიშობ არ მოვახვიო ჩემი მძაფრი შთაბეჭდილებები საზოგადოებას, ან რამე სამედიცინო თვალსაზრისით არასწორად ვთქვა.
დღეს, ჩემი შთაბეჭდილება მძიმეა და ვალდებული ვარ გაგიზიაროთ. ძალიან ცუდათ გამოიყურება ფიზიკურად. შესამჩნევია თვალის გარშემო კუნთის ტრემორიც.
ეს დაადასტურა ჩემთან საუბარში მკურნალმა ექიმმაც. მისი მდგომარეობა საავადმყოფოში არ უმჯობესდება. უარესდება". - ნათქვამია განცხადებაში.

შეგახსენებთ, რომ დღეს, მიხეილ სააკაშვილის ადვოკატმა, შოთა თუთბერიძემ განაცხადა, რომ ექსპრეზიდენტი ე.წ. საზღვრის კვეთის საქმეზე სასამართლო პროცესს დაესწრებოდა, რადგან არ სურდა, რომ სხდომა ისევ მისი ჯანმრთელობის მდგომარეობის გამო გადადებულიყო. 

სხდომა 15:00 საათზე იყო ჩანიშნული, თუმცა კლინიკა "ვივამედმა" მესამე პრეზიდენტს სასამართლო პროცესზე დასწრების უფლება არ მისცა.

თბილისის საქალაქო სასამართლოში ე.წ. საზღვრის კვეთის საქმეზე მიხეილ სააკაშვილის სასამართლო სხდომა თარიღის განსაზღვრის გარეშე გადაიდო.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ