უკრაინის, პოლონეთისა და ლიტვის პრემიერმინისტრებმა უკრაინის ევროკავშირსა და NATO-ში გაწევრიანების შესახებ მოლაპარაკებების პროცესის გააქტიურებისა და დახმარების გაძლიერების შესახებ ერთობლივ განცხადებას ხელი მოაწერეს. 

სამი ქვეყნის პრემიერმინისტრმა განცხადებას ხელი მოაწერეს კიევში "ლუბლიანას სამკუთხედის" ფარგლებში გამართული შეხვედრის შემდეგ.

განცხადებაში ხაზგასმულია უკრაინის სამხედრო, ფინანსური და ჰუმანიტარული დახმარების გაძლიერების მნიშვნელობა. ასევე, ომის შემდგომ რეკონსტრუქციაში მოკავშირეების მხარდაჭერის აუცილებლობა.

ცნობისთის, "ლუბლინის სამკუთხედი" დიპლომატიური ინიციატივაა, რომელიც უკრაინას, ლიტვას და პოლონეთს აერთიანებს. ალიანსის შექმნის შესახებ დეკლარაციას ხელი მონაწილე ქვეყნების საგარეო საქმეთა მინისტრებმა ლუბლინში, 2020 წლის 28 ივლისს მოაწერეს.

ფორმატის ფარგლებში ვარშავა, ვილნიუსი და კიევი პოლიტიკურ, ეკონომიკურ, სოციალურ და კულტურულ სფეროებში თანამშრომლობენ.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას