2022-11-20 18:14:55, 1388 ნახვა
მსოფლიო
საფრანგეთმა უკრაინას საზენიტო-სარაკეტო სისტემები გადასცა
საფრანგეთმა უკრაინას საჰაერო თავდაცვის გასაძლიერებლად Crotale საზენიტო-სარაკეტო სისტემები გადასცა. ამის შესახებ საფრანგეთის თავდაცვის მინისტრმა, სებასტიან ლეკორნიუმ ფრანგულ არხ BFMTV-ს განუცხადა.
მინისტრის თქმით, უკრაინას, საჰაერო თავდაცვის სისტემების გარდა, სახმელეთო შეტევისთვის საჭირო ტექნიკაც გადაეცა.
"ჩვენი სამხედრო დახმარება რომ შევაჯამოთ, ვართ ერთ-ერთი დიდი კონტრიბუტორი და ხუთეულში ვიკავებთ ადგილს", - აცხადებს ლეკორნიუ და დასძენს, რომ უკრაინისთვის იარაღის მიწოდება გაგრძელდება.
მისივე თქმით, უკრაინის არმია რადარებს ითხოვს და მოთხოვნა ამჟამად "მოლოდინის რეჟიმშია".
ავტორი: ექსპრესნიუსი,
epn.ge (@expressnews.ge)
