რუსეთის პრეზიდენტმა ვლადიმერ პუტინმა პარასკევს განაცხადა, რომ გერმანია შეცდომას უშვებს, როცა უკრაინის კონფლიქტში ნატოს მხარე იკავებს.

"გერმანიამ გადაწყვიტა, რომ ზოგიერთი საერთაშორისო შეთანხმების, მათ შორის ნატოს, ვალდებულებები პრიორიტეტულია შიდა ინტერესებზე. მე მჯერა, რომ ეს შეცდომაა და მათი ეკონომიკა და მოქალაქეები გაიაზრებენ. წინააღმდეგ შემთხვევაში, ისინი არ დაარღვევენ "ჩრდილოეთის ნაკადის" გაზსადენებს", - განუცხადა პუტინმა ჟურნალისტებს
ყაზახეთის დედაქალაქ ასტანაში დამოუკიდებელ სახელმწიფოთა თანამეგობრობის (დსთ) სამიტის დასრულების შემდეგ.

"Nord Stream 2 მილსადენის ერთი განშტოება მუშა მდგომარეობაშია. გადაწყვეტილება მისი გაშვების შესახებ არ არის მიღებული და ნაკლებად სავარაუდოა, რომ მიიღება, მაგრამ ეს ჩვენი საქმე არ არის", - დასძინა მან.

პუტინს ასევე ჰკითხეს, გამართავს თუ არა მოლაპარაკებებს აშშ-ის პრეზიდენტ ჯო ბაიდენთან.

”თქვენ უნდა ჰკითხოთ მას (ბაიდენს), სურს თუ არა მას ჩემთან მოლაპარაკებების გამართვა. ამ დროისთვის მე ვერ ვხედავ ბაიდენთან მოლაპარაკების აუცილებლობას, სანამ არ დავინახავ ამის პლატფორმას”, - თქვა მან.

შეგახსენებთ, რომ გერმანიის ყოფილმა კანცლერმა, ანგელა მერკელმა ხუთშაბათს განაცხადა, რომ არ ნანობს იმ კურსის შესახებ, რაც მისმა მთავრობამ ენერგეტიკული პოლიტიკისა და რუსეთთან ურთიერთობის დინამიკასთან დაკავშირებით გაატარა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს