„სახელმწიფო არ არის საჭორაო ბიურო“, - ასე გამოეხმაურა „ნაციონალური მოძრაობის“ ერთ-ერთი ლიდერი გიორგი ვაშაძე ქვეყანაში არეულობის მოწყობასთან დაკავშირებით, შს მინისტრის ვახტანგ გომელაურის განცხადებას.

ვაშაძის თქმით, თუ ხელისუფლებას იმის დამადასტურებელი ფაქტი აქვს, რომ ქვეყანაში არეულობა ნამდვილად მზადდება, აუცილებლად უნდა გამოაქვეყნოს.

„შინაგან საქმეთა მინისტრი არ არის პოლიტიკური სპეკულიანტი, ის უნდა საუბრობდეს ფაქტებით. ჩვენ არაერთხელ გვითქვამს, რომ თუ რაიმე ფაქტი აქვთ მათ იმასთან დაკავშირებით, რომ ვინმე რამეს გეგმავს არეულობის სახით ქვეყანაში, მოვითხოვთ გამოქვეყნონ ეს ფაქტები. ბოლო ერთი წელია გვესმის ეს ფაქტები უმრავლესობის მხრიდან, შინაგან საქმეთა მინისტრების მხრიდან, მაგრამ ამას არანაირი ფაქტით გამყარება არ მოჰყოლია. სახელმწიფო არ არის საჭორაო ბიურო“, - განაცხადა გიორგი ვაშაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის