რუსეთთან არანაირი შეთანხმება არ ღირს. შესაძლებელია თუ არა მოლაპარაკება ქვეყანასთან, რომელიც ყოველთვის ცინიკურად და პროპაგანდისტულად იტყუება?,- ამის შესახებ უკრაინის პრეზიდენტის მრჩეველმა მიხაილო პოდოლიაკმა Twitter-ზე განაცხადა.

პოდოლიაკი აღნიშნავს, რომ რუსეთის ნებისმიერი დაპირება მხოლოდ სიტყვების თამაშია. სინამდვილეში, რუსეთმა წამოიწყო კლასიკური დაპყრობითი ომი შუა საუკუნეების სულისკვეთებით.

„გაუნათლებელმა აგრესორმა, საკრუიზო რაკეტებით გადაწყვიტა დაეპყრო ბევრად უფრო თანამედროვე და ნაკლებად შეიარაღებული ქვეყანა, გაენადგურებინა მისი ხალხი, დაებრუნებინა განადგურება, სიბინძურე და მთვრალი უსახლკაროების ბრბო. ასეთია რუსეთის იმპერიული სახელმწიფოს ბუნება - გოპნიკური ქვეყანა: ის არ ქმნის ახალ კულტურულ, სამეცნიერო თუ ტექნოლოგიურ ღირებულებებს, მაგრამ ჯიუტად ანადგურებს სხვებისას“,- წერს პოდოლიაკი.

პოდოლიაკის თქმით, რუსული შუასაუკუნეების ბანაკიდან მცველებთან ერთად კვლავ გამოხტა კანიბალი თვალებით, რომლებშიც სიცარიელე და სიძულვილია.

„ჩვენ ახლა ვსაუბრობთ მშვიდობიანი ქალაქების დაბომბვაზე, ქალების მასობრივ გაუპატიურებაზე, სარდაფებში სამი წლის ბავშვების შიმშილობასა და მარცვლეულის ქურდობაზე. დაბრუნდა ოქროს ურდოს დღეები? მოსკოვმა აჩვენა თავისი ნამდვილი სახე, რომელიც სიგიჟემდე არის შეყვარებული წამებაზე, „სასჯელის ტროიკაზე" და მთელი ხალხის სავალდებულო იძულებით დეპორტაციაზე“,- განაცხადა პოდოლიაკმა.

გარდა ამისა, პრეზიდენტის მრჩეველის თქმით, უკრაინა რუსეთთან გამარჯვების ფინალამდე იბრძოლებს. სხვა არჩევანი არ გვაქვს, ხოლო იმ შემთვევაში თუ დასავლეთი კვლავ შეძრწუნდება, კიდევ ერთხელ გამოავლენს ღრმა შიშს რუსული ამაზრზენი სამყაროს მიმართ. მთელი მსოფლიო ელოდება საზღვრების ახალ სისხლიან გადანაწილებას, ქაოსს, ლტოლვილთა ტალღებს, შიმშილს, უსაფრთხოების ახალ წესებს, როდესაც კაცობრიობის ცივილიზაცია იძულებული გახდება ხარკი „გოპნიკებს“ გადაუხადოს. რუსეთი გააღატაკებს ევროპის ყველა მკვიდრს, გამოიწვევს სასტიკი შიმშილის პროვოცირებას აზიასა და აფრიკაში და წამოიწყებს ახალ ტერიტორიულ კონფლიქტებს. ათობით, ასობით კრიმინალური ანკლავი, სადაც ასდოლარიანი ქურდები და ბანდიტები „პრემიერების“ და „მინისტრების“ სამოსს ჩაიცმევენ.

„რუსეთმა დაამტკიცა, რომ ბარბაროსული ქვეყანაა, რომელიც საფრთხეს უქმნის მსოფლიო უსაფრთხოებას. ბარბაროსის შეჩერება მხოლოდ ერთობლივი ძალით შეიძლება, ეს უნდა გავაკეთოთ ჩვენი შვილების გულისთვის. ასეთი ღია, სუფთა, პროგრესული, ღიმილიანი სამყარო, წინააღმდეგ შემთხვევაში სამყაროს ძალიან ბნელი დრო ელის“,- დასძინა პოდოლიაკმა.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე