G7 ქვეყნების საგარეო საქმეთა მინისტრებმა განაცხადეს, რომ უკრაინისთვის სამხედრო დახმარების გაწევას გააგრძელებენ. აღნიშნულის შესახებ ინფორმაციას Reuters-ი ავრცელებს.

Reuters-ის ცნობით, საგარეო საქმეთა მინისტრებმა რუსეთზე ეკონომიკური ზეწოლის გაზრდის პირობაც დადეს.

„ჩვენ გავაგრძელებთ უკრაინის სამხედრო დახმარებას მანამ, სანამ ეს საჭირო იქნება", - განაცხადეს დიდი შვიდეულის საგარეო საქმეთა მინისტრებმა.

გარდა ამისა, მინისტრებმა ასევე რუსეთის ეკონომიკური და პოლიტიკური იზოლაციის გაზრდის პირობა დადეს. ამასთან, G7 ქვეყნები გააგრძელებენ მუშაობას უკრაინის ომის შედეგად გამოწვეული გლობალური საკვების დეფიციტის შესამცირებლად.

შეგახსენებთ, რომ 13-14 მაისს ბალტიისპირეთის კურორტ ვაისენჰაუსში (გერმანია) გაიმართა G7 ჯგუფის საგარეო საქმეთა მინისტრების შეხვედრა. მას ესწრებოდნენ მაღალი რანგის დიპლომატები დიდი ბრიტანეთიდან, კანადიდან, გერმანიიდან, იტალიიდან, საფრანგეთიდან, იაპონიიდან, აშშ-დან და ევროკავშირიდან.

აღსანიშნავია, რომ G7-ის ფინანსთა მინისტრებმა განაცხადეს, რომ აპირებენ უკრაინას ფინანსური მხარდაჭერისთვის 30 მილიარდი ევროს გამოყოფას.

ავტორი: ექსპრესნიუსი,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა