უკრაინის გენერალური პროკურატურის ინფორმაციით, ქვეყანაში ომის დაწყებიდან რუსეთის ჩადენილ 4 684 დანაშაულზე გამოძიება მიმდინარეობს. მათი უმეტესი ნაწილი - 4 533 ომის კანონების დარღვევას ეხება. 

როგორ პროკურატურის მიერ გავრცელებულ ინფორმაციაშია აღნიშნული, ამ დროისთვის 353 ეჭვმიტანილია, მათ შორის რუსი მინისტრები, დეპუტატები და ოფიციალური პირები და კრემლის პროპაგანდისტები. 

​ამ დროისთვის პროკურატურას უკრაინის უსაფრთხოებასთან დაკავშირებული 2 400-მდე რუსეთის მიერ ჩადენილი დანაშაული აქვს დაფიქსირებული. მათი უდიდესი ნაწილი 1 608 უკრაინის ტერიტორიული მთლიანობის დარღვევას უკავშირდება.

უკრაინის პროკურატურამ განაცხადა, რომ წინასწარი გამოძიება დაიწყო მთელი ქვეყნის მასშტაბით, მათ შორის კიევის, ხარკოვის, სუმის, მიკოლაივის, დონეცკის და ლუგანსკის რეგიონებში.

„ჩვენ ვაგროვებთ მტკიცებულებებს ეროვნული სასამართლოებისთვის და ჰააგის საერთაშორისო სისხლის სამართლის სასამართლოსთვის. მტკიცებულება აღარ არის მხოლოდ ომის დანაშაულები, არამედ დანაშაულებიც კაცობრიობის წინააღმდეგ. ჩვენ დავამტკიცებთ ყველა ფაქტს, რათა დავსაჯოთ ისინი, ვინც აწამებდნენ, დასცინოდნენ და ანადგურებდნენ უკრაინელებს“, - განაცხადა ვენედიქტოვამ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”