უკრაინელებმა ბელარუსის საზღვრის მონაკვეთზე და ქალაქ პრიპიატის ტერიტორიაზე კონტროლი აღადგინეს

2022-04-03 14:41:19, 960 ნახვა

მსოფლიო

უკრაინის სადესანტო ნაწილებმა კონტროლი აიღეს უკრაინასა და ბელარუსის შორის მდებარე საზღვრის მონაკვეთზე და კიევის რეგიონის, ქალაქ პრიპიატის ტერიტორიაზე.

”3 აპრილს, უკრაინის შეიარაღებული ძალების საჰაერო თავდასხმის ჯარების ნაწილებმა კონტროლი აიღეს ქალაქ პრიპიატის ტერიტორიასა და უკრაინის სახელმწიფო საზღვრის მონაკვეთზე ბელარუსის რესპუბლიკასთან. ჩვენ ვაგრძელებთ საბრძოლო მისიების შესრულებას! ერთად გამარჯვებამდე! დიდება DShV-ს! დიდება უკრაინას!", - წერია უკრაინის შეიარაღებული ძალების განცხადებაში.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი ოპერაციის დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალები უკრაინას სხვადასხვა მიმართულებიდან უტევენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,