მარიუპოლის მარცხენა სანაპიროს რაიონის ზოგიერთი მცხოვრები იძულებით დეპორტირებულია რუსეთში,- ამის შესახებ ინფორმაციას  მარიუპოლის მერია ავრცელებს. 

უწყების ცნობით, ოკუპანტები მარიუპოლის მოსახლეობის ნაწილს იტაცებენ, პასპორტს ართმევენ და რუსეთის ტერიტორიაზე ძალის გამოყენებით გადაჰყავთ.

"რუსეთის ფედერაციის საოკუპაციო ჯარები აიძულებენ უკრაინის მარიუპოლის მცხოვრებლებს წავიდნენ რუსეთში ან დროებით ოკუპირებულ დომბასის ტერიტორიაზე გადასვლას. დილის 08:00 საათისთვის არის ინფორმაცია, რომ მარიუპოლის მარცხენა სანაპირო ოლქის აზოვსტალსკას და უკრაინელი კაზაკების ქუჩების მცხოვრებლებს უკანონოდ ასახლებენ მტრის ტერიტორიაზე.

რუსებმა იძულებით დეპორტირებულ ადამიანებს უკრაინული პასპორტები ჩამოართვეს და სამაგიეროდ გასცეს ფურცელი, რომელსაც იურიდიული წონა არ აქვს და არ არის აღიარებული მთელ ცივილიზებულ სამყაროში.

ოკუპანტები აგრძელებენ ნაცისტების მეთოდების გამოყენებას და მარიუპოლის გატაცებას!,"- წერია განცხადებაში. 

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით