მომავალ კვირას უკრაინაში რუსეთის შემოჭრის საფრთხის გამო, შეერთებულმა შტატებმა შესაძლოა კიევში საელჩოს პერსონალის ნაწილის ევაკუაცია დაიწყოს, იტყობინება ამერიკული ტელეარხი CNN.
უკრაინაში აშშ-ის საელჩოში ამ ინფორმაციაზე ჯერჯერობით კომენტარს არ აკეთებენ.
არხის წყაროების ცნობით, საელჩომ უკვე მიმართა სახელმწიფო დეპარტამენტს დიპლომატებისა და არასაჭირო პერსონალის ოჯახების თხოვნით კიევის დატოვების თაობაზე. კიევში დიპლომატიური მისიის ნაწილის შესაძლო ევაკუაცია ამ კვირაში სახელმწიფო მდივანმა ენტონი ბლინკენმა პრეზიდენტ ვოლოდიმირ ზელენსკისთან უკრაინაში ვიზიტის დროს განიხილა.
მანამდე The New York Times-მა გაავრცელა ინფორმაცია, რომ რუსეთმა წლის დასაწყისში თავისი დიპლომატიური თანამშრომლების ოჯახის წევრები უკრაინიდან გაიყვანა.

გასული წლის შემოდგომიდან მედიაში გამოჩნდა ცნობები დაზვერვის მოტივით უკრაინის საზღვარზე რუსული ჯარების კონცენტრაციის შესახებ. აშშ და სხვა დასავლური ქვეყნები ვარაუდობენ, რომ მოსკოვი სამხედრო შეჭრას ამზადებს. კრემლმა უარყო ეს განცხადებები და მოითხოვა "უსაფრთხოების გარანტიები" აშშ-სგან და ნატოსგან, კერძოდ, არ გაფართოვდეს ალიანსი აღმოსავლეთით. დასავლეთის წარმომადგენლებმა განაცხადეს, რომ ფუნდამენტურ საკითხებზე დათმობებზე არ წავლენ.

ავტორი: ექსპრესნიუსი,

სოციალური ქსელები

ტრამპი: ირანის ხიდებსა და ელექტროსადგურებს დავარტყამთ, თუ მოლაპარაკებებს არ განაახლებენ

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება