საქართველოს გენშტაბის ყოფილი უფროსი გიგი კალანდაძე აცხადებს, რომ გერმანიის სასამართლო მის საქმეზე რამდენიმე კვირაში იმსჯელებს.

როგორც მან „მთავარ არხთან“ საუბრისას აღნიშნა, დარწმუნებულია, რომ გერმანიიდან მისი ექსტრადირება არ მოხდება.

ამასთნავე, კალანდაძე აღნიშნავს, რომ ეს არის ახალი ტალღა მისი დისკრიმინაციის და ეს დისკრიმინაცია საქართველოს ხელისუფლებას უბრუნდება პირიქით.

"რომ გითხრათ, რომ პირველად შემოვფრინდი ბერლინ-ბრანდენბურგის აეროპორტში მოგატყუებთ, სამჯერ ვარ ნამყოფი პასპორტში შტამპეპი მაქვს. შემოფრენისას არ მქონდა პრობლემა, ვენაში მქონდა შეხვედრა, მერე ბერლინში ჩავედი და მოვდიოდი უკან, გამოფრენისას რამდენიმე წუთით მთხოვეს შეყოვნება, მერე გადამიყვანეს პოლიციაში, სადაც დააზუსტეს ჩემი პიროვნება და მითხრეს, რომ მე დაკავებული ვარ, იმიტომ რომ ვიმყოფები ძებნაზე. მე გავეცი პასუხი, რომ ერთი თვის წინ გადმოვლახე საზღვარი და არ იყო არანაირი პრობლემა.

ეს არის ახალი ტალღა ჩემი დისკრიმინაციის და ეს დისკრიმინაცია საქართველოს ხელისუფლებას უბრუნდება პირიქით. ეს საქმე მე აღმიძრეს უკრაინაში ყოფნის დროს 2015 წლის მიწურულს, როცა თვითონ ამ საქმის გამოძიება დაიწყეს 2013 წელს, სადღაც სამი წლის მერე წამიყენეს ბრალი. რა თქმა უნდა, ეს ბრალი არის მოგონილი და შეთითხნილი, არაფერზე დამყარებული...იმდენი დარღვევაა, რომ მთელი დღე არ მეყოფა ამაზე საუბარი. დარწმუნებული ვარ, რომ გერმანიაში ჩემი ექსტრადაცია არ დადგება, თვითონაც საექსტრადაციო პერიოდი შემიცვალეს გირაოთი, რამდენიმე კვირაში მექნება სასამართლო, სადაც ის მიიღებს იმ გადაწყვეტილებას, რასაც ჩვენ ველით" ,- განაცხადა გიგი კალანდაძემ "მთავარ არხთან" ინტერვიუში. 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს