რუსთავის მე-12 ციხეში საქართველოს მესამე პრეზიდენტის მიხეილ სააკაშვილის მოსანახულებლად უფლებადამცველი, შოთა თუთრებიძე მივიდა. 

როგორც ადვოკატმა ჟურნალისტებთან განაცხადა სააკაშვილის ჯანმრთელობის დაზიანება ხელიუფლების მიზანია და პენიტენციურ სამსახურს არანაირი არგუმენტი არ აქვს.

მისივე თქმით, ყველა ადამიანს, რომელსაც თავისუფლება აქვს აღკვეთილი აქვს უფლება ალტერნატიულ სამედიცინო სერვისზე

"ვფიქრობ, რომ მისი ჯანმრთელობის დაზიანება ხელისუფლების მიზანია, ამიტომ ამ წისქვილზე წყალი არ უნდა დავასხათ. არავითარი არგუმენტი პენიტენციურს არ აქვს. ყველა ადამიანს, რომელსაც თავისუფლება აქვს აღკვეთილი აქვს უფლება ალტერნატიულ სამედიცინო სერვისზე, რაც უნდა პროფესიონალი ექიმები ჰყავდეთ პენიტენციურში, ჩვენ ყველას კარგად გვესმის, რომ ეს არ არის სამედიცინო დაწესებულება, ეს არის თავისუფლების აღკვეთის დაწესებულება. გარდა ამისა, აქ არ არის შესაბამისი აღჭურვილობა, და ასეც რომ იყოს, მიხეილ სააკაშვილს აქვს უფლება მიიღოს ალტერნატიული მომსახურება. ჩვენ არ ვითხოვთ სახელმწიფოს მხრიდან დაფინანსებას და არ ვაკისრებთ დამატებით ტვირთს, ვითხოვთ იმ უფლების რეალიზებას, რაც ყველა აქ მყოფ ადამიანს გააჩნია. ამიტომ ყველანაირი შეზღუდვა, ხელოვნური ბარიერი თუ დაბრკოლება, რომელსაც პენიტენციური სამსახური ქმნის არის უკანონო",-  აღნიშნა  შოთა თუთბერიძემ. 

ცნობისთვის, ექს-პრეზიდენტი მოითხოვს, რომ დამოუკიდებელ ექიმთა ჯგუფის მისი მონახულების ნებართვა მიეცეს და კონფიდენციალურობის დაცვით აღუდგეს კომუნიკაციის საშუალება,წინააღმდეგ შემთხვევაში, მისივე თქმით, პროტესტის უკიდურეს ფორმებს მიმართავს. მიხეილ სააკაშვილმა ხელისუფლებას დრო 6 იანვრამდე მისცა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს