მათთვის მიუღებელია არამხოლოდ დამოუკიდებელი სახელმწიფო ინსპექტორი, არამედ მათთვის მიუღებელია ყველა თანამშრომელი, - ამის შესახებ სახელმწიფო ინსპექტორმა, ლონდა თოლორაიამ საგანგებო ბრიფინგზე განაცხადა.

სახელმწიფო ინსპექტორის თქმით, კანონპროექტის ინიცირების დრო ემთხვევა პერიოდს, როდესაც ის დეკრეტში იყო, ამასთანავე, როდესაც საერთაშორისო ორგანიზაციებისა და დიპლომატიური კორპუსის წარმომადგენელთა უმრავლესობა შვებულებაშია. 

„კანონპროექტის შემუშავების პროცესი იყო სრულიად კონსპირაციული, მასში მონაწილეობა არ მიუღია არც სახელმწიფო ინსპექტორის სამსახურს, არც საერთაშორისო ორგანიზაციების წარმომადგენლებს და დარგის არცერთ ექსპერტს. კანონპროექტის დაინიცირების დრო, რატომღაც, დაემთხვა წინასაახალწლო პერიოდს, როდესაც დიპლომატიური კორპუსის და საერთაშორისო ორგანიზაციების წარმომადგენლების აბსოლუტური უმრავლესობა არ იმყოფება საქართველოში და დაემთხვა ასევე სახელმწიფო ინსპექტორის დეკრეტში ყოფნის პერიოდს.

რატომღაც ჩაითვალა, რომ რამდენიმე დღის ბავშვით ხელში მე ვერ შევძლებდი სახელმწიფო ინსპექტორის სამსახურის და მისი თითოეული თანამშრომლის ინტერესის დაცვას, თუმცა მე დღეს აქ ვარ და გავაკეთებ მაქსიმუმს სახელმწიფო ინსპექტორის სამსახურისა და მისი თითოეული თანამშრომლის ინტერესების დასაცავად“, - განაცხადა ლონდა თოლორაიამ.

სახელმწიფო ინსპექტორმა დასძინა, რომ კანონპროექტით არა ინსპექტორის სამსახურის რეორგანიზაცია, არმედ ლოკვიდაცია ხდება და კანონის მიღების შემთხვევაში, 2022 წლის1-ელი მარტიდან ყველა თანამშრომელი უმუშევარი რჩება. 

„საქართველოს პარლამენტმა გადაწყვიტა არამარტო სახელმწიფო ინსპექტორის სახლში გაშვება, არამედ სრულიად ყველა თანამშრომლის. მათთვის მიუღებელია არამხოლოდ დამოუკიდებელი სახელმწიფო ინსპექტორი, არამედ მათთვის მიუღებელია ყველა თანამშრომელი, რომელიც ღია და გამჭვირვალე კონკურსით, ნეპოტიზმის გარეშე დაინიშნენ", - განაცხადა ლონდა თოლორაიამ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს