ჯანმრთელობის გაუმჯობესების დინამიკა არ არის, მდგომარეობა არის სტაბილურად არადამაკმაყოფილებელი, აღინიშნება ნეიროდეფიციტი, ისევე როგორც წინა დღეებში, – ამის შესახებ საქართველოს ყოფილი პრეზიდენტის, მიხეილ სააკაშვილის პირადმა ექიმმა, ნიკოლოზ ყიფშიძემ გორის სამხედრო ჰოსპიტალიდან გამოსვლის შემდეგ განაცხადა.

„ფიქრობდა, რომ წასულიყო სასამართლოზე, მაგრამ ბოლო მომენტში გადაწყვიტა, რომ პროცესზე ხვალ ვერ წავა. ამ დღეებში ველოდებით უცხოელ ექიმებს. ამ კოვიდის ახალი მუტაციის, „ომიკრონის“ აშშ-სა და ევროპაში გავრცელების გამო, აეროპორტები დაკეტილია და ფრენები შემცირებული. ვფიქრობთ, რომ შემდეგ კვირაში ჩამოვა რამდენიმე ადამიანი. გვინდა, რომ ახალ წლამდე ჩამოვიდეს.

მარგველაშვილის საკითხზე არ გვისაუბრია. ვიცი, რომ ელოდება და ძალიან უნდა, შეხვდეს. წარმოიშვა კიდევ დისკომფორტი ექიმებს შორის მკურნალობის სქემაზე, რადგან მე და ბატონ ოთარ თოიძეს გვინდა, აღვუდგინოთ ის წამლები, რომელსაც უკვე აღარ იღებს, მაგრამ, საუბედუროდ, გორის მკურნალის ექიმი უარზეა. ასე რომ, ვთხოვ ჯანმრთელობის სამინისტროს, გამოაგზავნოს სახელმწიფო კომისია, მხოლოდ მათ შეუძლიათ დანიშნულების შეცვლა. ჩვენ ამის უფლება არ გვაქვს.

ველოდებით უცხოელ ექიმს და ვფიქრობ, რომ რაც მალე ჩამოვლენ. უკეთესია, რადგან მე არ მაქვს კარგი პროგნოზი. ჩემი აზრით, მკურნალობა ადეკვატური არ არის. საჭიროა რეაბილიტაცია, დიაგნოსტიკა. თავიდანვე ვიძახდი, რომ კარგი ჰოსპიტალია და კარგი ხალხი მუშაობს, მაგრამ აპარატურა, რომელიც საჭიროა ასეთი ავადმყოფისთვის, აქ არ არსებობს“,- განაცხადა ნიკოლოზ ყიფშიძემ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს