ევროკავშირი სრულად ერთგულია ევროპაში უსაფრთხოების უზრუნველსაყოფად, რომელიც ეფუძნეა ეროვნული სუვერენიტეტისა და ტერიტორიული მთლიანობის პატივისცემის პრინციპებს, - ამის შესახებ EU-ს საგარეო საქმეთა და უსაფრთხოების პოლიტიკის უმაღლესი წარმომადგენლის, ჟოზეფ ბორელის განცხადებაშია აღნიშნული.

ჟოზეფ ბორელი რუსეთის მიერ აშშ-ისა და ნატო-სგან უსაფრთხოების გარანტიების მოთხოვნასთან დაკავშირებით გავრცელებულ განცხადებაში აღნიშნავს, რომ დღეს ევროპის უსაფრთხოება საფრთხეშია

„რუსეთის ქმედებები, კერძოდ, ყირიმის უკანონო ანექსია, მისი როლი აღმოსავლეთ უკრაინის კონფლიქტის გაღვივებაში, ასევე მისი ქმედებები საქართველოს სეპარატისტულ რეგიონებში, დნესტრისპირეთის რეგიონსა და ლუკაშენკოს რეჟიმის მხარდაჭერაში იწვევს ევროპაში უსაფრთხოების მდგომარეობის მკვეთრ გაუარესებას. სულ ახლახანს, რუსეთის სამხედრო გაძლიერებამ უკრაინის საზღვრებთან და უკანონოდ ანექსირებულ ყირიმში შექმნა ახალი საფრთხეები და შეჭრის შიში.

პარტნიორებთან და მოკავშირეებთან ერთად, ევროკავშირმა ნათლად მიუთითა, რომ მტკიცედ უპასუხებს უკრაინის სუვერენიტეტის ნებისმიერ შემდგომ დარღვევას. ამავდროულად, ევროკავშირს მიაჩნია, რომ დიალოგი, მოლაპარაკებადა თანამშრომლობა ერთადერთი საშუალებაა დავების მოსაგვარებლად და მშვიდობის დასამყარებლად. ასეთი დისკუსია უნდა იყოს ინკლუზიური და მხედველობაში უნდა იქნას მიღებული ყველა დაინტერესებული მხარის შეშფოთება და ინტერესები.

ევროკავშირი ჩაერთვება როგორც შეერთებულ შტატებთან, ასევე ნატოსთან ერთად, რათა უზრუნველყოს მისი ინტერესების წარმოდგენა რუსეთთან ნებისმიერ შესაძლო დისკუსიაში ევროპის უსაფრთხოების შესახებ“, - აღნიშნულია განცხადებაში.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს