მიხეილ სააკაშვილის ადვოკატის, ნიკა გვარამიას განცხადებით, ექსპრეზიდენტს ოპოზიციასთან დაკავშირებით შვილის, ედუარდ სააკაშვილისგან განსხვავებული მოსაზრება აქვს.

"საუბარი იყო, მისი ვაჟის მხრიდან, რომ ვიღაცებს სურთ, მამის სიკვდილი და ეს ურჩევნიათ შეიძლება. მიშამ მთხოვა, რომ განმარტება მიმეცა, რომ მისი ვაჟი არის სრულწლოვანი ადამიანი, მას თავისი აღქმები აქვს, პოზიციები აქვს და იგი აფიქსირებს, ცხადია, მამასთან შეთანხმების გარეშე ამ ყველაფერს.

თვითონ არ მიიჩნევს და ვერ ხედავს ადამიანებს, რომლებიც მისი სიკვდილის ფასად რაიმე სიკეთის მიღწევას უშვებდეს და აქ ჩამოუყვანეს, იმიტომ, რომ მომკვდარიყო და რაღაცა ზიანი მიეყენებინათ ხელისუფლებისთვის. ეს მისი პოზიცია არ არის, თუმცა ცხადია შვილს ის არ ემიჯნება, პირიქით, ის ამბობს — მიხარია, რომ ინტერვიუ მისცა. მიხარია, რომ საკუთარი აზრები გადმოსცა. ეს ის ნაწილია, სადაც მე ასე არ ვხედავ", — თქვა გვარამიამ გორის ჰოსპიტლის დატოვების შემდეგ.

რადიო თავისუფლებამ გუშინ ედუარდ სააკაშვილის ინტერვიუ გამოქავეყნა, სადაც ის შემაშფოთებელს უწოდებს ოპოზიციის მიერ სააკაშვილის შესაძლო გარდაცვალებაზე საუბარს. მისი თქმით, ვიღაცებში გამოიკვეთა ტენდენცია, რომ შეიძლება მართლა ურჩევნიათ სააკაშვილი "მკვდარი, ვიდრე ცოცხალი.

ავტორი: ექსპრესნიუსი,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა